Rundum lätz gwigglet - Dägg!

Drey Musiker, ai Musikerin und ai Schauspiiler sin die neui Crew, wo e zwaiti Ussgoob vo dr neue Vorfasnachtsyberraschig RämPläm ussbriete dien. Nach em erschte mol im 2016 findet RämPläm nomol vom 25. Januar - 10. Februar 2018 widdr uff de Brätter vom Tabourettli statt.

RämPläm isch e farbebrächtige «Grand-Brie» vo Fasnachtsmusik und e kunterbunte Raige vo Lieder, gwürzt mit satirische Täggscht und alles zämme sinnlos gschpiggt mit unmöglige Szenarie, wo s fröhlige Publikum – allerdings uff aigeni gfohr – darf über sich ergoh loo. Verwirrige sin nit usgschlosse, sondern ghöre zum Programm!

Quellen: www.raemplaem.ch / www.fauteuil.ch / Kulturelles Basel / http://kulturelles-nordwestschweiz.blogspot.ch