Vor em Morgestraich
Wenn Du e rächte Basler bisch
So bruchsch kai Wecker z'Nacht um
drei,
De bisch jo doch, was hesch, was
gisch,
Und wär d'Matraze no so waich,
Bi Zitte-n-uf zum Morgestraich
Los? Uf der Stross isch scho ne Gschrei
Und 's tramplet scho in alle Gasse.
Mach schnall, vergiss der Gäldsack nit,
D'Mählsuppe wot i nit verpasse.
Jetz kunnt sie gli, diee scheenschti Zyt
Fir jede Basler, klai und gross -
Punkt Vieri isch der Deifel los!
Und wäm's nit 's Härz im Lib ergrifft,
W arn nit der Rhytmus fahrt in d'Bai
Wenns pletzlig drummlet und wenns pfifft,
Da isch kai rächte Basler, nai!
Erik Bohny (1891 - 1959) Basel/Muttenz
